قالت جريدة “دياري دي تاراگونا”، أن جثة شاب من أصل مغربي، كيبلغ من العمر 26 عام، تلقات نهار السبت، فـ لاميتلا دي مار في تاراگونا. وفتحت فرقة موسوس دي إسكوادرا (الشرطة الكتالونية الإقليمية) تحقيق فـ الواقعة لتحديد ملابسات الوفاة.
وعلى حساب شهود، وصل الضحية بشكل عادي بطوموبيلتو ومشا على رجليه لشاطئ كال لو ريبليه مع العشرة ديال الليل وبعد مدة قليلة غبر ليه الأثر وما بقاش بان. واتصل الشهود اللي عاينو الواقعة، بخدمات الطوارئ فحدود الساعة 10 و35 دقيقة ديال الليل.
وحسب الجريدة ذاتها، وصلات دوريات من الشرطة المحلية والإقليمية وفرقة ديال الوقاية المدنية لـمكان الحادثة ولقاو جثة المغربي وحاولو ينعشوه لكن دون جدوى. الضحية كان كيعيش فـ باربيرا ديل فاليس، وهو تقريبا الشخص رقم 11 اللي كيموت بنفس الطريقة فـ شواطىء تراگونا..
المصدر موقع كود
ليست هناك تعليقات:
إرسال تعليق